Eta ikasturte honetako ostiraletako atala amaitzeko, euskaraz gehiagotan eta erosoago bizi nahi duzuenontzako azken oparia, izugarrizko tresna: EUSKALBAR. Zuetako askok ezagutuko duzuen arren, beste inork gozatzeak merezi duelakoan.

Euskalbar hainbat hiztegi (aukera zabala duzue bertan, norberaren gustura antolatzeko ere) jartzen dizkizue eskura, barra bakar batean, edozein testu lantzen ari zaretela (adibidez).

Euskalbar instalatzeko, lehenengo “Mozilla firefox” instalatu behar duzue (debaldeko linuxa da) eta gero “Euskalbar” deskargatu eta exekutatu (hau ere berdin, debaldeko linuxa).

Euskara-gaztelania eta alderantziz, ingelesa, frantsesa, japoniera, latina,…erabili eta harritu!!!

Aurreko ostiral bietan Microsoften euskarazko “partxeen” berri eman genizuen (lehenengo) eta sistema eragilearen interfacea hurrengoan. Gaurkoan, eta windowsekin amaitzeko, office paketea:

Goazen MS Office euskaratzera!

Horretarako,Microsoften deskarga orrialdean gaudela (bada www.euskadi.net>softwarea>office paketea bidea bestela), deskargatzeko eskatu eta mahaigainean eskuragarri izateko, bertan gordeko dugu.
Argibideak jarraitu eta mahaigainean “Language Interface Pack” delakoan klik eginez exekutatuko dugu. Lizentzia onartu eta dagoeneko badugu geure Microsoft Office-a euskaraz erabiltzeko prest!

Joan den ostiralean Microsoften euskarazko “partxeen” berri eman genizuen. Orain “LIP” biak instalatzeko bidea zehatzago erakutsiko dizuegu, asteon sistema eragilea, interfacea; hurrengoan office paketea:

SISTEMA ERAGILEA EUSKARATU

Sistema eragilea euskaratzeko, lehenik geure sistema eragilea zein den jakin behar dugu.
Geure kasuan, XP sistema daukagunez ”XP euskaratu” botoian sakatu beharko dugu.
Behin Microsoften orrialdean gaudela (edo Eusko Jaurlaritzaren www.euskadi.net helbidetik helduta), bertan “Jarraitu” botoian eta “Deskargatu” sakatu. Zuzenean “Gorde” esan eta izenik aldatu gabe berriz ere “Gorde” teklaren gainean sakatuko dugu.
Prozesua amaitua dagoenean, nabigatzailea itxi eta deskargatu berri dugun paketea exekutatuko dugu ikonotxoan bi klik eginez.
Amaituz joateko, lizentzia onartu eta bi bider “Hurrengoa” klikatuz “Instalatu” botoia sakatzea falta zaigu.
“Ados” botoiari emanda sistema berrabiaraztea eskainiko digu, baietz esan eta behin berrabiarazita sistema eragilea euskaraz erabiltzen hasi gaitezke.

Hara! Geure ordenagailuen erraietatik ere atera daitekeena! Windowsek baditu bere sistema eragileak zein officea euskaratzeko “partxeak”, debaldekoak eta instalatzeko errazak. “Language Interface Pack” (LIP) izen generikoa dute eta izen hori pikatze hutsarekin lortuko duzu internet bitarteko lotura egitea…debalde deskargatzeko!!! Anima zaitez eta ordenagailu aurrean ematen dituzun orduak ere euskaraz eman itzazu. Gainera, horrelako kontuetan, zenbat eta erabiltzaile gehiago izan, errazagoa izango dugu geuretzako produktuak sortzea.

Googlek euskararako prestatu du bere “GTranslate”, itzulpenetarako aplikazioa

Googlek joan den astean beste bost hizkuntza gehitu zituen “Google Translate” itzulpen-zerbitzuan. Oraindik ere Alpha egoeran dago (garapen fasean), baina euskara ere hor dago, munduko beste 56 hizkuntzarekin batera.
Google markaren sareko itzulpen zerbitzua da eta garapen fasean dituen hizkuntzen itzulpenak oraindik beste hizkuntzetan bezain zehatz eta zuzenak ez diren arren, euskara hor dugu, interneten erabilita, munduko beste 56 hizkuntzetan ulertu ahal izan gaitzateneko bidea zabalik.
Hori dela eta, hurrengo hilabeteetarako hobekuntzak aurreikusten dituzte Alpha egoera hori gainditzeko (orain hilabete batzuk ere Persiera Alpha egoeran argitaratu zuten arren, dagoeneko kendu diote “Alpha” hori). Norberak ere lagundu dezake tresna hobetzen, itzulpen okerrak aurkitu ahala garatzaileei jakinaraziz.

Otsailaren 1ean hasi zen ‘Kerman mintzalagun bila’ bideo-esketxen emisioa EiTBren hiru kateetan eta eitb.com-en. Ordutik, astelehenetik ostiralera, egunero atal berri bat ikusteko aukera izan dugu. Bada, gaurtik aurrera, horretaz gain, HABEren ikasbil.net atarian Kerman protagonista duten bideoen gaineko lanketa didaktiko propioa aurkituko dute erabiltzaileek hainbat ataletan banatuta: lexikoa, ulermena, gramatika, funtzio komunikatiboak eta ahozkotik idatzirako aldeak nabarmenduko dituzten sailak, hain zuzen ere.
Horretaz gain, bideo-esketx bakoitzaren transkripzioa eskainiko du atariak, entzun bitartean, aurretik edo ondoren, testua irakurri ahal izateko.
Kermanek dioen moduan, badakizue: ‘Honekin edo harekin, baina egin!

Entzun “Ele-Alea”, euskara ikasten ari direnentzako saio berri eta freskoa!

Xabier Sukiak gidatzen duen saioa, astelehen gauetan entzun dezakezu Euskadi irratian, 21:00etatik aurrera; edo noiznahi eitb.com atarian. Ausartu klik egitera!

Hara non, 350 urte beranduago, mihi mintzatia interneten dabilela sarri.

Honetan ere erabilera handitzea proposatzen dizut gaurkoan.

Microsoft eta Google-ek euskararen alde egiten dute erabilera zenbatekoa den ikusita (hilero zenbatzen da).

Zure kontuan, eskuman, goian:
HOTMAIL: opciones>>Español>>Euskera>>guardar
GMAIL: configuración>>idiomas>Euskera>>guardar cambios

BIDEOA:

[youtube=http://www.youtube.com/watch?v=kg-BROVOUbk&hl=es_ES&fs=1&rel=0&color1=0x5d1719&color2=0xcd311b&hd=1&border=1]

HOTMAIL AZALPENA:
http://oihanguren.com/bloga/hotmail-euskaraz-erabiltzeko-pausuak/

GMAIL AZALPENA:
http://www.atxukale.com/blogak/tolon/gmail-euskeraz

Oraingoan bai, aste honetan udaberri gozoko beroa gozatu dugu, ia uda garaikoa. Baina, eguraldiak berak arratsalde batzuetan gogoratu digunez, ez dago eurietatik libratzerik oraindik. Laster koloretsuz hartzen hasiko garelakoan, eguraldi hau gozatu!!!

Zelan eman dugu oporraldia? Ohitu gara jada egunerokotasunarekin berriz? Orain baina, eguna luzeagoa dugu, giroa epelagoa,… bertan da maiatza, eguraldia gozatu!