Bikain ziurtagiriek hiru maila dituzte: Oinarrizkoa, zilarrezkoa eta urrezkoa. Ulibarri Euskaltegiak maila goreneko ziurtagiria eskuratu zuen iaz, Urrezko Bikain-a, atzo jaso zuena, alegia.

44 enpresa eta erakunde horietatik, 19-k lortu dute goi mailako urrezko Bikain ziurtagiria -tartean, Ulibarri euskaltegia-; 14-k zilarrezkoa; eta gainontzeko 11k, oinarrizkoa.

Eusko Jaurlaritzak sortu zuen ziurtagiria 2007an eta Euskalit-ek kudeatzen du. Helburua, EAEko esparru sozio-ekonomikoko erakundeek garatutako hizkuntza-normalkuntzako prozesuek izan duten garapen-maila egiaztatzea eta aitortzea da.

Sarituez gain, 300 lagun inguruk hartu zuten parte Xabier Euzkitzek gidatutako saioan.