Lemoako Karabie gaztetxea

Bagatoz gaztetxekook beste behin ere herri hau piztera, hamarkada bat baino gehiago daramagu horretan eta ondo dakigu zertaz ari garen.

Ondo dakigu zenbat kostatzen den kultura eta mugimendu herritarra bultzatzea, baina badakigu zein aberasgarria den ere, horregatik jarraitzen dugu sistemak eskaintzen digunari alternatibak sortzen.

Partehartze zuzena, erabakitzeko aukera, eginez ikastea, elkarlana, elkar ezagutza, jarrera kritikoa, autogestioa… hauek dira gure oinarriak, eta irakurtzen ari zaren programazio hau egitea posible dela erakusten duena.

Guzti honegatik, eta jakinik Lemoako Kultur Etxearen proiektua martxan dagoela, proiektua herritar eta eragile guztion parte hartzearekin burutu behar dela aldarrikatzen dugu. Kulturak herriaren oinarrietako bat izan behar duela argi daukagu, horregatik eskatzen dugu proiektu hau aurrera eramateko batzorde herritarra sortzea. Denok daukagulako zeresana, herritik eta herriarentzat egin behar direlako gauzak.