Jende gehiena poztu egiten da udaberriaren hurbiltasuna igarri ahala. Horietako bat al zara zu?

Enarak. Elaiak. Ainarak. Eliz txoriak. Izen horiek dituzte txori politok. Sasoi honetan lehenengo enarak ikustea zorte onekoa omen da. Ikusi al duzu enararik? Begiratu al duzu zerura? Edo hobeto esanda. Zerura begiratzen al duzu inoiz?

Elurra kapritxosoa da. Ez fidatu eguraldiarekin! Gutxi fidatu martxoarekin!

Sasoi honi Garizuma deitzen diote zaharrek. Negu amaierako sasoia. Sasoi luzea, gogorra, Pazko artekoa. Tira, gaur egun, honenbeste berogailurekin ez da akaso antzina bezain latza Garizuma sasoia!

Zirrien zorriak zinzirrin zon! Zer demonio da hori? Bada, zirriek kili-kilia egiten digutela, noski. Beste hau oso ezaguna: Aitorren akerraren adarrak okerrak baino okerragoak dira. Esaldi okerra, alajaina!

Garai honetan ospatzen diren inauteriekin kontuz! Ez hoztu. Gogoratu Bizkaian ezaguna den esaera: San Blas, doministikuka ito behar naz.

Atzo Santa Ageda bezpera. Gaur Santa Ageda. Ondo kantatu al zenuten atzo?

Urtarrileko azken ostirala. Urtarrileko azken asteburua. Ostiral eta asteburu gehiago etorriko dira, lasai!

Gaur San Bizente. Atzo San Sebastian. Ba al zenekien toki askotan “sanbixenteak” garrantzitsuagoak zirela “sansebastianak” baino? Noski, askorentzat egun guztiak berdinak dira…