Bernard Etxepare dugu euskarazko idazlan bat lehenengoz argitaratu zuen idazlea. Ez dakigu ez noiz ez non jaio zen. 1545ean argitaratu zen «Linguae Vasconum Primitiae» poesia liburuskaren hitzaurrean dioenez «bertze nazione orok uste dute ezin deus ere skriba daiteyela lengoaje hartan, nola bertze orok baitute skribatzen berian». Beraz, euskalduntasunak bultzatu zuen idaztera; baina ez soilik horrek. Poesiarekiko grinak ere euskarazko lehenbiziko olerki erotikoak idaztera bultzatu zuen. Hona hemen adibidetxo bat, MINTZAKIDE, baina ez zaitez beldurtu euskara “arraro” horrekin. Har ezazu kontuan 1545eko hitzak direla!!!

Tira, MINTZAKIDE, oso-oso erotikoak ere ez dira: emaztea biluzik, besoak zabaldurik, gizonaren dardoa emakumearen gorputzaren erdi-erditik… eta hori guztia ederra dela! Bale, ados! Erotikoak baino, minierotikoak! Baina, kontuan hartu apaiza ere bazela!!! Gaurko apaizek honetaz guztiaz hitz egiten al dute? Horra galdera.

Eskuaraz mintzatzea, euskereaz berba egitea, euskaraz hitz egitea, horixe da MINTZAKIDE programan gabiltzan guztion nahia. Mintzatzea gu eta mintzaraztea bestea; berba egitea guk eta besteari berba eragitea, alegia.

Santo Tomas eguna dugu gaur. Egun markatua euskaldunontzat. Espero dezagun MINTZAKIDE guztion txoko honek indar berriak hartzea, noiz eta Santo Tomas bezalako egun seinalatuan. Hala izan dadila. Azken boladan lokartu samar ibili zaigu bloga. Ez jakin berez lokartua ala guk lokartua. Ea gaurtik aurrerakoa itzarrik eta bizi darabilgun.

Saiatuko gara, MINTZAKIDE adiskideok, hemendik aurrera astero-astero zenbait irakurgai labur sartzen, erdi-amatatua dugun sua berriz bizitu dadin. Hiru sail-edo sortu ditugu.

Astelehenetan hizpidea jartzekoak agertuko dira. Sailaren izena hau izango da: MINTZAKIDEA MINTZARAZI.

Asteazkenetan kultur aipuak sartuko ditugu. Honatx sailaren izena: MINTZAKIDEEN MINTZAIRA.

Ostiraletan orotarikoak egongo dira. Sailaren izena, honakoa: MINTZAKIDEAK MINTZATI.

Sailak sail eta hitzak hitz, zuon guztion partaidetzak emango dio arnas berria interneteko txoko honi. Beraz, erantzunak, hitz berriak, iruzkinak, eztabaidak eta aportazioak ongi etorriak izango dira, sua bizituko bada!

Ondo segi eta hobeto bizi, MINTZAKIDE adiskideok!

Bilbao, 2009ko urriaren 15a. Mintzakide Programaren lehen edizioaren arrakastaren ondoren, Bilboko Udaleko Euskara Sailak martxan jarriko du euskararen erabilera sustatzeko ekimen ludiko berritzaile honen bigarren edizioa.

Ekimen horrek euskara ohiko hizkuntza dutenekin eta euskara maila eta jariotasuna hobetu nahi duten pertsonekin bikoteak osatuko ditu berriro. Bikotekideek gutxienez astean ordubeteko zitak izateko konpromisoa hartu behar dute.

Nobedade gisa, Mintzakide programaren bigarren edizioak urte bateko iraupena izango du. Hala ere, lehen edizioaren estrukturari eutsiko zaio, eta bikoteek 10 astean ordubeteko zitak izateko konpromisoa hartu behar dute eta programa amaitu arte, hots 2010eko urrira arte, konpromiso hori berrituz joan.

Irakurri osoa »

Ekainaren 12an egin genuen jaian askotan eskerrak eman nizkizuen arren, ez naiz nekatzen. Izan ere, oso ondo pasatu genuen bertan. Zuek animatu egin zineten eta hori eskertzeko modukoa da. Anima zaitezte orain ekainaren 27rako prestatu dugun bazkarira! Izena eman nahi baduzue, gogoratu Ulibarri Euskaltegitik pasatu behar duzuela. Ea denon artean autobusa betetzen dugun! Eskerrik asko. Agur.

Dagoeneko jakingo duzuenez, ekainaren 27rako bazkaria antolatuko dugu. Izena eman nahi baduzue, Ulibarri Euskaltegitik pasatu eta han bertan ordaindu.

Datu gehiago: Irakurri osoa »

Lehenengo harreran esan genizuen bezala, JAIA egingo dugu!! Jaia izango da ekainaren 12an Udaltegian; arratsaldeko 20:00etan. Udaltegia Bilboko Udalaren atzeko aldean dago; lehen, Castaños azoka zena; orain, berritu egin dute eta hortxe bertan egin dute Udaltegi berria. Anima zaitezte!! Bertan, zuek bidalitako argazki guztiak zintzilikatuko ditugu hormetan eta sari eta guzti egongo da!!

Datu gehiago: Castaños kalea da eta funikularretik hurbil dago. Lasai, norbaiti galdetuz gero, ez duzue topatzeko arazorik izango. 20:00etatik 21:30ak arte egongo da zabalik.

Esan genizuen bezala Mintzakide Programari buruzko artikuluak atera dira zenbait egunkaritan. Hementxe duzue El Pais-ek argitaratu duena.

Aste honetan zehar bildu egin gara zenbait egunkarirekin; El Paisekoekin eta Deiakoekin, hain zuzen ere. Horiek interesa jarri dute gure programan. Adi egon zaitezte! ziurrenik asteburu honetan artikuluak argitaratuko dira eta. Dena den, argitaratutakoan artikulu biak zintzilikatuko ditugu blogean; zuek irakur ditzazuen.

BILBO, ARGAZKIEN BIDEZ!
Nola ikusten duzue gure hiria?
Har ezazue parte lehenengo argazki lehiaketan! Anima zaitezte! Irakurri osoa »